Durrësi është një nga qytetet më të prekura nga tërmeti i fuqishëm i orëve të para të mëngjesit.
Në qytetin bregdetar janë shënuar dëme të shumta materiale, ndërsa janë regjistruar edhe viktima.
Ndërkohë një pallat në lagjen Nr.6 të Durrësit, është fundosur dy kate nën tokë.
Dyshohet se brenda rrënojave ndodhen 4 persona.
Një çift që ndodhet në rrënojat e katit të dytë, ka komunikuar me forcat e shpëtimit.
Mendohet se deri më tani, numri i viktimave është të paktën 11.
Kërkimet po vazhdojnë, pasi ka ende dhjetëra persona të tjerë në rrënoja.
