Kreu i Gjykatës së Elbasanit, Sulejman Kurti, është shkarkuar nga detyra. Komisioni i Pavarur i Kualifikimit ka gjetur pasaktësi në pasurinë e Kurtit.
Trupa gjykuese përbëhej nga Firdes Shuli, Lulzim Hamitaj dhe Valbona Sanxhaktari.
Përveç pasurisë, Kurti kishte probleme edhe me shtyllat e tjera të vettingut, që janë pastërtia e figurës dhe aftësia profesionale.
KPK hodhi dyshime edhe për disa prona të gjykatësit, të cilat sipas tyre janë krijuar me burime të pajustifikuara.
Njëkohësisht KPK kishte në dorë edhe një dokument për lidhjet e Kurtit me krimin e organizuar.
Gjithashtu u zbulua edhe një vendim i paargumentuar për një masë sigurie “Arrest me burg”.
Të gjitha gjetjet e KPK, bënë të pamundur konfirmimin e tij në detyrë.
