Një 55 vjeçar i dënuar për vrasje është ekstraduar nga Greqia.
Sipas policisë, bëhet fjalë për Kudret Shametaj.
Ky i fundit është dënuar me 18 vite burg, me vendim të formës së prerë.
Shametaj është gjetur fajtor për vrasjen e shtetasit A.M.
Ai u arrestua nga autoritetet greke, si rezultat i bashkëpunimit me Interpol Athinën.
Njoftimi i policisë:
Vijon bashkëpunimi mes Interpol Tirana dhe homologëve për kapjen dhe ekstradimin e shtetasve të shpallur në kërkim ndërkombëtar.
Ekstradohet nga Greqia një shtetas shqiptar i dënuar me 18 vjet burg për vrasje dhe armëmbajtje pa leje.
Nga specialistët e Interpol Tiarana u krye ekstradimi nga Greqia drejt vendit tonë i shtetasit shqiptar Kudret Shametaj, 55 vjeç.
Ky shtetas ishte i shpallur në kërkim ndërkombëtar nga Interpol Tirana, pasi Gjykata e Rrethit Gjyqësor Tiranë e ka denuar me 18 vjet burg për veprat penale “Vrasja” dhe “Armëmbajtja pa leje”. Ky shtetas ka vrarë me armë zjarri shtetasin A. M.
Si rezultat i bashkëpunimit të Interpol Tirana me Interpol Athina, u bë i mundur arrestimi dhe ekstradimi i tij nga Greqia drejt vendit tonë.
