Të shtunën banesa e Mariglen Hakës në Nikël të Fushë-Krujës, u qëllua me 85 plumba kallashnikovi nga tre armë të ndryshme.
Mirëpo autorët e atentatit nuk mundën që ta çojnë deri në fund porosinë, pasi Haka mbeti i plagosur, ndërsa viktimë mbeti halla e tij, Shpresa Basha.
Atentatorët ishin pozicionuar në dy drejtime, duke krijuar dy vatra zjarri, shkruan “Shqiptarja.com”.
Deri më tani hetuesit dyshojnë se vrasësit mund të jenë me pagesë, por nuk përjashtohet mundësia e bashkëpunimit me persona që banojnë në zonë.
Mariglen Haka kishte vetëm dy muaj që kishte dalë nga burgu dhe një ditë para atentatit ishte vënë në dijeni të lëvizjeve të dyshimta përreth banesës së tij, nga një shok i tij.
Mbrëmjen e 20 shtatorit ai ndodhej në lokal me disa shokë të tij dhen momentin që kthehet për në shtëpi, kanë konstatuar disa gjurmë njeriu të dyshimta, por pa fiksuar siluetën e ndonjë personi.
Mësohet se djali i xhaxhait të Marigleni natën kur ndodhi atentati, po shkonte te shtëpia e kushëririt dhe ka vënë re disa persona të dyshimtë rreth banesës, të cilët janë larguar më pas në drejtm të bregut të lumit.
Në momentin kur halla, Marigleni dhe djali i xhaxhait të tij kanë dalë nga shtëpia për të parë se ç’po ndodhte, ka nisur breshëria e plumbave.
Dyshohet se autorët janë banorë të zonës, pasi janë larguar në rrugën dytësore të fshatit Zezë të Fushë-Krujës, pas krimit.
Ndërsa Mariglen Haka, i cili u plagos rëndë, u dërgua në spital nga vëllai i Durim Bamit.
Mariglen Haka është person me precedentë të shumë penalë.
Ai është arrestuar për vrasjen e biznesmenit, Nadien Zeneli, për një atentat me tritol dhe së fundmi për armëmbajtje pa leje.
