Ditë e sotme, mësimi ishte pezulluar në qarqet e Durrësit, Tiranës dhe Elbasanit.
Ministrja e Arsimit, Besa Shahini, njoftoi pak momente më parë, se nesër mësimi do të vijojë normalisht.
Në një konferencë për mediat, ajo bëri me dije se në orën e parë, nxënësve do t’u paraqitet një video informuese për tërmetet.
Ndërsa orët mësimore të sotme, do të zëvendësohen një ditë tjetër.
“Bëj me dije se dita e sotme e pushimit për nxënësit e zonave në fjalë, do të zëvendësohet në të ardhmen me një ditë tjetër. Për datën se kur do të bëhet zëvendësimi, vendosin zyrat arsimore në vijim”, tha Shahini.
Gjithashtu ajo ka dënuar përphapjen e lajmit të rremë gjatë mbrëmjes së djeshme për tërmetin, i cili detyroi mijëra njerëz në Tiranë e Durrës, që të braktisnin shtëpitë.
