Pasditen e sotme në Pogradec ka ndodhur një ngjarje e rëndë ku ka humbur jetën një minator.
Në njoftimin zyrtar të policisë thuhet se punonjësi ka gjetur vdekjen tek miniera e kromit në fshatin Pojskë, ku dyshohet se kjo gjë e rëndë ndodhi si pasojë e rrëshqitjes së formacionit shkëmbor.
Viktima është shtetasi me iniciale V.D, 58 vjeҫ i cili ishte banues në fshatin Rëmenj.
Veprimet proceduriale të rastit po vazhdojnë dhe po punohet për hetimin e plotë të ngjarjes.
Njoftimi i policisë
Më datë 19.12.2018, tek Miniera e kromit në fshatin Pojskë, dyshohet se si pasojë e rrëshqitjes së formacionit shkëmbor, në një prej galerive, është bllokuar dhe ka gjetur vdekjen një nga punonjësit e minierës, shtetasi V.D, 58 vjeç, banues në fshatin Rëmenj.
Nga ana e Policisë, po kryhen veprimet proceduriale të rastit dhe po punohet për sqarimin e plotë të rrethanave të ngjarjes.
