Ditën e sotme pritet të ekstradohet nga gjermania, Arbër Çekaj, pronari i kompanisë “Arbri Garden”, në kontenierët e të cilit u gjetën 613 kg kokainë.
Deklarata është bërë nga Zv. Drejtoresha e Përgjithshme e Policisë, Aida Hajnaj, gjatë një konferencë për shtyp.
Arbër Çekaj kërkoi azil nga shteti gjerman, me preteksin se nëse ekstradohej në Shqipëri i rrezikohej jeta, mirëpo kërkesa e tij nuk u mor parasysh nga gjykata e Dyseldorfit.
Të arrestuar deri më tani në Shqipëri për këtë çështje, janë Armando Pezaku dhe Donaldo Lushaj.
Gjithashtu janë sekuestruar edhe disa llogari bankare dhe dy biznese të hapura nga të afërm të Arbër Çekajt.
Në fund të shkurtit të 2018-ës në portin e Durrësit, brenda në kontenierët me banane që vinin nga Kolumbia, u gjetën të fshehura 613 kg kokainë.
Arbër Çekaj ndërkohë ka mohuar të kishte dijeni për ngarkesën.
