Monika Kryemadhi, mbrëmë e ftuar në studion e emisionit “Dritare me Rudinën” në News24, u shpreh se Erion Veliaj mund të bëhet edhe kryeministër para zgjedhjeve.
Sipas saj, Veliaj ka punuar për kryeqytetin dhe është një njëri që ka ecur me një program që i ka dhënë rezultat.
Kryemadhi ka përmendur gabimin e vetëm të Erion Veliaj që ishte teatri dhe e ka cilësuar si një gabim që nuk do t’i ndahet gjithë jetën.
Monika është shprehur qartë dhe pastër që do e donte Erion Veliaj si kryeministër, vetëm që Rama të iki nga pushteti.
Kryemadhi gjithashtu tha se Veliaj ka merita të veҫanta në lidhje me korsitë e biҫikletave pasi kjo gjë i jep mundësi ҫdo qytetari të Tiranës të lëvizë.
“Erion Veliaj mund të jetë edhe kryeministër para zgjedhjeve. S’mund të them që Erjon Veliaj s’ka punuar. Opozita e ka shansin 100 për qind. Jo vetëm në Tiranë, por kudo. A e di ti sa qytetarë kanë makina në Tiranë? Ti që lëviz me makinë je i pasur, ata që lëvizin në këmbë janë të varfër.
Unë që nuk kam makinë, e kam më kollaj të blejë një biçikletë. Kur dalim në studio televizive bërtasim për hallin tonë, jo për njerëzit. Veliaj është një njeri që punon me një program, i cili i ka ecur.
Në të gjithë historinë e tij ka gabuar me teatrin dhe kjo nuk do ti ndahet gjatë gjithë jetës. Po të shikosh historikun e protestës, pati tentativë për ta marrë. Segmente e caktuara politike kanë patur si synim për ta përdor për qëllimet politike.
Kandidat të përbashkët do ta kemi për Tiranën, por nuk e kemi menduar se nga cila do të jetë. Mund të jetë edhe kandidate, çfarë të keqe ka. Nuk ka asgjë të keqe, po me Bashën nuk e kemi biseduar. Do të jetë një kandidat që nuk përfaqëson grupe mediatike”, tha Kryemadhi.
