Botërori 2026/ Konfirmohen katër duelet e para të fazës me eliminim direkt

Faza e grupeve në Kupën e Botës 2026 po shkon drejt fundit, ndërsa kanë nisur të qartësohen edhe përballjet e para të fazës me eliminim direkt.

Deri në këtë moment janë konfirmuar zyrtarisht katër ndeshjet e para të raundit të 1/16-ve, ndërsa pjesa tjetër e tabelës mbetet ende e hapur dhe do të përcaktohet pas përfundimit të ndeshjeve të mbetura në fazën e grupeve.

Katër çiftet e para të konfirmuara janë:

• Afrika e Jugut – Kanadaja
• Holanda – Maroku
• SHBA – Bosnja dhe Hercegovina
• Brazili – Japonia

Dy nga sfidat që pritet të tërheqin më shumë vëmendje janë përballjet mes Holandës dhe Marokut, si edhe ajo mes Brazilit dhe Japonisë, ku favoritët do të duhet të kalojnë kundërshtarë që kanë zhvilluar një fazë grupesh mjaft të mirë.

Ndërkohë, skema e fazës me eliminim direkt ka nisur të plotësohet edhe me përballje të mundshme, të bazuara në renditjen aktuale të grupeve. Megjithatë, këto mbeten vetëm projeksione dhe mund të ndryshojnë në varësi të rezultateve të ndeshjeve të fundit të fazës së grupeve, të cilat do të përcaktojnë përfundimisht tabelën e raundit të 1/16-ve.