Kinematografia shqiptare ka humbur këtë të mërkurë një nga figurat e saj të njohura. Aktori Gjergji Lala është ndarë nga jeta në moshën 79 vjeçare, në një spital në Itali, ku po trajtohej pas një sëmundjeje me të cilën përballej prej kohësh.
Gjergji Lala u lind më 6 dhjetor të vitit 1947 në Lushnjë dhe gjatë karrierës së tij u bë pjesë e shumë roleve në teatër dhe në film, duke lënë gjurmë në kinematografinë shqiptare.
Roli më i spikatur i tij mbetet ai i Mihal Gramenos në filmin shqiptar “Liri a vdekje”, një nga interpretimet që e bëri të njohur për publikun.
Ai ka interpretuar edhe në disa filma të tjerë të rëndësishëm shqiptarë, mes tyre “Tokë e përgjakur” në vitin 1976, “Nusja dhe shtetërrethimi” në vitin 1978, “Liri a Vdekje” në vitin 1979, “Gjurmë në kaltërsi” në vitin 1981, “Në prag të lirisë” në vitin 1981, “Shtëpia jonë e përbashkët” në vitin 1982, “Një emër midis njerëzve” në vitin 1983 dhe “Lumi që nuk shteron” në vitin 1989.
Largimi i tij nga jeta shënon një humbje për artin dhe kinematografinë shqiptare.
