Për vite me radhë ishit aty. Pranë pushtetit. Pranë parave. Pranë çdo tenderi, çdo leje, çdo koncesioni e çdo privilegji. Kur Shqipëria varfërohej, ju pasuroheshit. Kur qytetarët largoheshin, perandoritë tuaja zgjeroheshin.
Sot po vraponi të ndërroni lëkurë. Po kërkoni strehë në fanella të tjera politike. Po aktivizoni mediat, analistët dhe makineritë e propagandës për t’u shitur si njerëz të tjerë. Sikur shqiptarët nuk ju njohin. Sikur kanë harruar.
Por ky është problemi juaj më i madh: shqiptarët mbajnë mend. Mbajnë mend kush përfitoi, kush heshti dhe kush ndërtoi pasurinë e vet në kurriz të tyre.
Paratë mund të blejnë tituj, ekrane dhe duartrokitje. Por nuk blejnë dot harresën. Për disa gjëra është thjesht shumë vonë…
