Një aksident i rëndë me pasojë vdekjen është regjistruar në zonën e Kombinatit në Tiranë, ku një drejtues motori ka humbur jetën pas përplasjes me një kamion. Ngjarja ka lënë të plagosur edhe një punonjës policie, i cili ndodhej si këmbësor dhe ishte jashtë shërbimit në momentin e aksidentit.
Sipas njoftimit zyrtar të policisë, aksidenti ka ndodhur rreth orës 10:45 në rrugën “Llazi Miho”. Një kamion i drejtuar nga shtetasi G. Gj., rreth 34 vjeç, është përplasur me një motomjet që drejtohej nga 61-vjeçari Ylmi Dedja. Si pasojë e përplasjes, drejtuesi i motorit ka ndërruar jetë në vendngjarje.
“Rreth orës 10:45, në rrugën “Llazi Miho”, kamioni me drejtues shtetasin G. Gj., rreth 34 vjeç, është përplasur me një motomjet me drejtues shtetasin Ylmi Dedja, 61 vjeç, i cili për pasojë ka humbur jetën. Nga aksidenti është dëmtuar edhe K. A., këmbësor (punonjës policie, jashtë detyre), i cili po merr ndihmë mjekësore në spital”, njofton policia.
Në këtë aksident ka mbetur i plagosur edhe shtetasi K. A., punonjës policie, i cili ndodhej në rrugë si këmbësor dhe jashtë detyrës. Ai është transportuar në spital dhe po merr trajtim mjekësor.
Drejtuesi i kamionit është shoqëruar në Komisariat për kryerjen e veprimeve procedurale, ndërsa grupi hetimor po punon në vendngjarje për të sqaruar plotësisht rrethanat e aksidentit.
Materialet procedurale i janë referuar Prokurorisë së Tiranës për vijimin e hetimeve.
