Një prej banorëve të pallatit që u përfshi nga flakët pranë QSUT-së ka rrëfyer humbjen e plotë të banesës së tij, duke treguar pasojat e rënda që la pas zjarri.
Ai u shpreh se apartamentin e kishte blerë vetëm dy vite më parë për 150 mijë euro, ndërsa tashmë gjithçka është shkatërruar nga flakët.
“E kam blerë shtëpinë para dy vitesh 150 mijë euro”, deklaroi banori për mediat.
Sipas tij, nata pas ngjarjes ka qenë edhe më e vështirë, pasi është detyruar ta kalojë jashtë, pa pasur një vend ku të strehohej.
“Natën e kam kaluar jashtë, s’kam njeri këtu”, shtoi ai, duke theksuar se ndodhet i vetëm dhe pa mbështetje.
Zjarri që përfshiu pallatin shkaktoi dëme të konsiderueshme materiale, duke lënë disa familje pa strehë, ndërsa shkaqet e rënies së flakëve mbeten ende të paqarta dhe janë në hetim.
