Aventura e dy vëllezërve binjakë shqiptarë, që “kishin luajtur mendsh” drejtësinë italiane, ka përfunduar.
Më në fund hetuesit kanë arritur, që të gjejnë ndryshimin midis dy AND-ve, që ishin pothuajse të ngjashme.
Eduard dhe Edmond Trushi kishin një ngjashmëri të frikshme, madje visheshin edhe njësoj.
Ata bënin jetë të shfrenuar, me makina luksoze dhe festa të çmendura.
Vëllezërit ishin arrestuar disa herë nga policia, por ishin lënë të lirë, pasi gjykatësit kishin frikë se mos dënonte vëllanë e gabuar.
Dilema e madhe u zgjidh vetëm pas analizave të detajuara të gjurmëve të gishtërinjve.
Disa ditë më parë, Gjykata e Pordenones, dënoi Eduardin me 6 vjet e 10 muaj burg, plus 5 viteve të vendosura më parë, shkruan “Bresciasettegironi”.
Ai është përgjegjës për 40 vjedhje në province të ndryshme të Italisë.
Ndërsa në total, vëllezërit janë përgjegjës për mbi 100 vjedhje në territorin italian.
Në disa raste ata kishin ushtruar edhe dhunë, ndaj pronarëve të banesave.
