Një tragjedi e rëndë ka ndodhur mbrëmjen e sotme në fshatin Çukë të Sarandës, ku një vajzë e mitur, vetëm 15 vjeçe, u gjet e vetëvarur në banesën e të afërmve të saj.
Adoleshentja kishte shkuar nga Tirana për të kaluar pushimet pranë familjes, por ditët e saj në bregdet u kthyen në makth. Lajmi i ka tronditur të afërmit dhe gjithë komunitetin, duke lënë pas dhimbje dhe pikëpyetje mbi arsyet që e çuan drejt këtij akti fatal.
Trupi i vajzës është dërguar në morgun e Sarandës, ndërsa policia ka nisur hetimet për të sqaruar të gjitha rrethanat e ngjarjes së rëndë.
