Kupa e Botës në Basketboll që po zhvillohet në Kinë, ka hyrë në fazën e dytë të saj, me 16 skuadrat më të mira që mbetën në kompeticion.
Republika Ceke dhe Greqia ishin të fundit që siguruan kualifikimin nga faza e parë.
Raundi i dytë do të luhet në Nanzhing, Vuhan, Shenzhen dhe Foshan. Të gjitha skuadrat e kualifikuara do të mbartin në fazën e dytë, pikët e grumbulluara deri tani.
Cdo grup do të cojë dy skuadrat më të mira në fazën ¼ finale.
Nga ana tjetër, 16 skuadrat e eleminuara nuk do të kthehen menjëherë në shtëpi.
Ato do të vazhdojnë të luajnë për klasifikimin e vendeve 17-32, si dhe për kualifikueset në Lojërat Olimpike, “Tokyo 2020”.
Argjentina dhe Polonia në grupin. I, do të provojnë të konfirmojnë formën e raundit të parë ku fituan 3 ndeshjet përkatëse.
Rusia pritet të jetë rivalja për të mos u nënvlerësuar në këtë grup.
Grupi J, ka në përbërje dy pretendentë për titull si Serbia dhe Spanja ndërsa Italia dhe Porto Riko, duken një hap më mbrapa.
Fituesja në fuqi, skuadra e SHBA është në grupin K dhe megjithëse vjen me një rekord, 3-0 nga faza e parë, nuk e ka harruar dhimbjen e kokës që i shkaktoi Turqia.
Brazili konvertoi eksperiencën e veteranëve në një vend për fazën e dytë dhe do të luajë me Republikën Ceke dhe Greqinë për një vend në ¼ finale.
Grupi L do ti luajë ndeshje në Nanzhing atje ku Australia dhe Franca duket se kanë shanse të mira për në ¼ finale.
Kjo edhe për faktin se përballë do të kenë Republikën Domenikane dhe Lituaninë.
