Zjarri në pyllin e Poliçanit mbetet ende aktiv këtë të enjte, ndërsa forcat zjarrfikëse kanë rifilluar ndërhyrjen që në orët e para të mëngjesit.
Ekipet e Mbrojtjes nga Zjarri dhe Shpëtimit të Bashkisë Poliçan janë angazhuar për të vënë nën kontroll flakët, të cilat aktualisht janë përhapur në një pjesë të pyllit, larg zonës së Uzinës së armëve.
Situata paraqitet po ashtu problematike në fshatin Gjinoqar të Bashkisë Patos. Për shkak të terrenit të thyer dhe vështirësive në akses, forcat zjarrfikëse nga Patosi dhe Mallakastra po operojnë me mjete të lehta, përfshirë aparatura shpine.
Sipas shefit të shërbimit zjarrfikës në Patos, përhapja e flakëve është favorizuar nga bimësia e dendur në zonë, duke e bërë ndërhyrjen edhe më të vështirë. Forcat në terren po punojnë me intensitet për të shmangur përhapjen drejt zonave të banuara.
