Dy persona kanë mbetur të plagosur me mjet prerës pas një konflikti të ndodhur pasditen e sotme në lagjen Pelivan Leskaj të Vlorës. Sipas informacioneve paraprake, ngjarja ka nisur si një grindje mes dy individëve, e cila është përshkallëzuar duke përfunduar në përdorimin e thikës.
Të plagosurit janë transportuar menjëherë drejt spitalit rajonal të Vlorës, ku ndodhen nën kujdesin e mjekëve. Burime mjekësore bëjnë me dije se gjendja e tyre shëndetësore është jashtë rrezikut për jetën.
Në ambientet e spitalit ndodhet edhe policia, e cila ka nisur hetimet për të sqaruar plotësisht rrethanat e incidentit. Ndërkohë, në vendin e ngjarjes është sekuestruar arma e ftohtë e përdorur në konflikt, ndërsa dy persona të dyshuar janë shoqëruar në ambientet e Komisariatit të Policisë së Vlorës. Hetimet vijojnë.
