Një 20-vjeçar shqiptar banues në Castelfiorentino në Itali, ka humbur jetën, pasi u përplas nga treni.
Marko Kaziu po kalonte binarët me kufjet në vesh dhe nuk e dëgjoi ardhjen e trenit, shkruan “Gonews”.
Ai u transportua menjeherë me helikopter në spital, por ndërroi jetë vetëm pak orë më pas.
Ngjarja e rëndë ka prekur edhe kryebashkiakun e Castelfiorentinos, Alessio Falorni, i cili ka shprehur ngushëllime për familjen, nëpërmjet një postimi në Facebook.
“Familja e Markos më komunikoi se zemra e tij ndaloi së rrahuri. Marko nuk ia doli. Një djalë 20 vjeç, një tragjedi që na prek të gjithëve. Komuniteti i Castelfiorentinos bashkohet në ngushëllimet ndaj familjes së tij”, shkruan kryebashkiaku.
Ndërkohë fotografi, Paolo Nigi, i cili ishte dëshmitar në vendngjarje, tregon se disa djem filluan të qeshnin, pasi i riu u përplas nga treni.
Ai është neveritur nga skena dhe ka shkruar, se qenia njerëzore, po bëhet çdo ditë e më pak njerëzore.
