Një aksident i rëndë ndodhi mesditën e sotme në afërsi të fshatit Borizanë, në rrugën e vjetër Thumanë-Fushë-Krujë, ku u përplasën dy automjete tip “Mercedes”.
Përplasja la pas një viktimë dhe tre të plagosur.
Viktima, Bedrie Saja, pasagjere në njërin prej mjeteve, humbi jetën në vend. Në këtë makinë ndodheshin edhe shoferi Idriz Saja dhe Lindita Saja, të cilët u plagosën dhe u dërguan në Spitalin e Traumës në gjendje të rëndë. Në mjetin tjetër, në timon ishte Malvina Kani.
Të katër personat e përfshirë në aksident janë banorë të zonës së Fushë-Krujës, ndërsa mësohet se viktima është nëna e Idriz Sajas.
Policia ka mbërritur në vendin e ngjarjes dhe po punon për të zbardhur rrethanat e këtij aksidenti të rëndë.
