Të hënën, rreth 28 mijë nxënës të klasës së 9-të do t’i nënshtrohen provimit të fundit të lirimit, atë të gjuhës së huaj.
Testimi do të zhvillohet në orën 10:00 dhe do të zgjasë deri në 12:30, në 340 qendra provimi të shpërndara në të gjithë vendin, nën mbikëqyrjen e stafit të specializuar nga institucionet arsimore.
Ky është provimi i tretë dhe i fundit për minimaturantët, duke shënuar një hap të rëndësishëm në përmbylljen e arsimit të mesëm të ulët dhe përgatitjen për nivelin e ardhshëm arsimor.
Gjuha e huaj që do të testohet varion sipas planit individual mësimor të nxënësit dhe përfshin anglishten, frëngjishten, italishten apo gjermanishten.
