Një ngjarje tragjike ka ndodhur mbrëmjen e së shtunës në Itali, ku një 19-vjeçar me origjinë shqiptare humbi jetën pasi u përplas nga një tren.
Sipas mediave italiane, i riu ndodhej në stacion së bashku me një grup miqsh, kur tentoi të kalonte në anën tjetër të binarëve dhe u godit për vdekje.
Ngjarja ndodhi në një moment të shpejtë dhe fatal. Dyshohet se 19-vjeçari ose nuk e kishte vënë re trenin që po afrohej me shpejtësi, ose kishte menduar se do të arrinte të kalonte përpara se ai të mbërrinte.
Për fat të keq, përplasja ishte fatale dhe ai ndërroi jetë në vend.
Mjekët mbërritën menjëherë në vendngjarje me autoambulancë dhe një njësi mjekësore të specializuar, ndërsa zjarrfikësit u angazhuan me dy mjete speciale të përshtatura për ndërhyrje në raste aksidentesh hekurudhore.
Trupi i viktimës u gjet i copëtuar nga goditja e trenit, duke tronditur edhe ekipet e ndërhyrjes.
Autoritetet po punojnë për të sqaruar rrethanat e aksidentit. Janë sekuestruar pamjet e kamerave të sigurisë në stacion dhe po merren në pyetje miqtë e viktimës, të cilët ndodheshin pranë tij në momentin fatal.
Në kohën e ngjarjes, në stacion nuk kishte pasagjerë të tjerë, përveç grupit të vogël të adoleshentëve.
