Gjykata e Tiranës zhvilloi këtë të mërkurë seancën gjyqësore për dosjen penale që përfshin imam Ahmed Kalajan dhe disa persona të tjerë, të hetuar për shpërndarje materialesh me përmbajtje nxitëse ndërfetare në vitin 2022.
Në përfundim të seancës, trupa gjykuese vendosi të veçojë çështjen ndaj Kalasë, i cili përballet me akuzën e “pengimit të zbardhjes së së vërtetës”, pasi dyshohet se nuk ka dorëzuar pamjet filmike të konsideruara me rëndësi për hetimin.
Procesi ndaj tij do të ndiqet në mënyrë të pavarur nga pjesa tjetër e dosjes.
Ndërkohë, për të pandehurit e tjerë, gjykata vendosi kalimin e çështjes për gjykim. Imam Kalaja nuk ishte i pranishëm në sallë, ndërsa u përfaqësua nga avokati i tij, Roland Islami.
