Gjatë intervistës në “Koha për t’u zgjuar” në News24, këshilluesi i mjekësisë holistike, Nikola Ndoni, foli për kancerin, të cilin e quajti “sëmundjen e shekullit”.
Sipas tij, është gabim që kjo sëmundje të shihet thjesht si problem gjenetik, pasi në të vërtetë ka natyrë metabolike.
Ndoni theksoi se qelizat kancerogjene ushqehen kryesisht me sheqer dhe me një aminoacid të quajtur glutaminë. Ai kritikoi trajtimet aktuale që fokusohen vetëm te terapitë goditëse, pa marrë parasysh që edhe qelizat e prekura janë pjesë e trupit tonë.
Një tjetër faktor kyç, sipas Ndoni, është insulina e lartë, e cila duhet të balancohet me nivelet e adrenalinës, krahasuar me funksionimin e një makine që ka nevojë për gaz dhe frena njëkohësisht.
Nëse adrenalina mungon ose është shumë e ulët, organizmi humbet aftësinë për të frenuar zhvillimin e sëmundjes.
Faktorët kryesorë që nxisin zhvillimin e kancerit, sipas tij, janë: sheqeri, glutamina, toksinat, metalet e rënda, stresi dhe traumat emocionale të zgjatura.
Ndoni vuri në dukje se agjërimi ka efekte shumë pozitive në parandalimin dhe menaxhimin e kësaj sëmundjeje.
