Një 41-vjeçar shqiptar, Altin Arapaj, është ekzekutuar me armë zjarri në mesditën e së enjtes në zonën bregdetare të Rafinës, në afërsi të Athinës.
Ngjarja e rëndë ka ndodhur në një vresht, ku viktima është goditur në kokë me një plumb.
Sipas burimeve nga mediat greke, Arapaj kishte arritur të telefononte bashkëshorten pak para se të ndërronte jetë. Në bisedën e fundit, ai i tha se ishte qëlluar nga një mik i tij. Gruaja e tij përdori aplikacionin “Find my iPhone” për të gjurmuar vendndodhjen e telefonit të burrit.
Së bashku me një patrullë të njësisë DIAS të Policisë Helenike, ajo shkoi në kryqëzimin e rrugëve Arionos dhe Anemoessas në Artemidë, ku u gjet celulari i përgjakur, por pa trupin e viktimës në vendngjarje.
Altin Arapaj ishte një emër i njohur për autoritetet greke, pasi rezultonte me precedentë penalë për vepra të ndryshme, përfshirë trafik droge.
Ndërkohë, policia greke ka rrethuar zonën dhe ka nisur një hetim të plotë për të identifikuar autorin e krimit dhe për të dokumentuar në detaje ngjarjen. Autoritetet po analizojnë të gjitha të dhënat, përfshirë thirrjen e fundit të viktimës, si një element kyç në zbardhjen e kësaj vrasjeje.
