Një aksident rrugor ka ndodhur pasditen e sotme në autostradën Durrës-Tiranë, në afërsi të fshatit Gërdec, në zonën e Vorës.
Sipas informacioneve paraprake, dyshohet se drejtuesi i mjetit ka humbur kontrollin mbi timonin dhe është përplasur me barrierat anësore të rrugës. Si pasojë e goditjes, automjeti është përmbysur në mes të karrexhatës.
Deri në këto momente, nuk ka të dhëna zyrtare për gjendjen shëndetësore të drejtuesit apo ndonjë pasagjeri të mundshëm.
Policia ndodhet në vendngjarje dhe po punon për të sqaruar rrethanat e aksidentit.
