Gazetarja Klodiana Lala, e ftuar në News 24, ka zbuluar detaje të reja rreth mega-operacionit antidrogë të ndërmarrë nga SPAK.
Sipas saj, goditja e këtij rrjeti të fuqishëm kriminal u mundësua pas dëshmisë kyçe të të penduarit të drejtësisë, Nuredin Dumani.
Operacioni çoi në lëshimin e 51 urdhër-arresteve për veprimtari të lidhura me trafikun ndërkombëtar të drogës dhe pastrimin e parave. Grupi kriminal kishte qendrën në Durrës dhe në radhët e tij ishin përfshirë edhe punonjës të policisë.
Janë 51 urdhër-arreste. Dosja është e gjatë. Grupi trafikonte kokainë dhe pastronte para. Ish polici Altin Morina është anëtar i bandës kriminale, ndërsa efektivi tjetër ka akuzën e korrupsionit. Hetimi ka nisur nga SPAK, pas rrëfimit të Nuredin Dumanit. Pas dëshmisë së Dumanit, pas marrjes së komunikimeve të Sky Ecc dhe vëzhgimeve në terren, kanë arritur të identifikojnë grupin kriminal që merreshin me aktivitete kriminale. Grupi kriminal e kishte bazën në Durrës. Janë vënë nën sekuestro disa shoqëri. Një grup kriminal të rëndësishëm ka pastrimin e parave. Ka në dosje dhe bos të mafies italiane, njëri njihej si “gjyshi”. Paratë vinin me autobus nga linja e udhëtimit të transportit. Janë 30 episode të trafikut të kokainës. Janë lënë të trafikojnë drogë, derisa e kanë zbërthyer gjithë aktivitetin kriminal. Grupi u mbajt në vëzhgim për 5 vite. Dyshoj se grupi është përfshirë edhe në atentate, kryesisht në Durrës. Ka shumë pasuri të tjera që nuk janë identifikuar. Hetimet vazhdojnë në drejtim të personave, që dyshohet se janë përfshirë në grup kriminal. Hetimi vazhdon. Ka trafik edhe të heroinës e kokainës. Janë goditur grupe, që më herët nuk ishin goditur, u shpreh gazetarja Klodiana Lala.
