Një ngjarje e rëndë është shënuar mesditën e sotme në fshatin Suk 2, në bashkinë Roskovec, ku një vajzë e mitur ka humbur jetën si pasojë e shembjes së një muri.
Sipas informacionit zyrtar, rreth orës 12:40, dyshohet se një mur rrethues në pronësi të shtetasit L. T. është shembur papritur, duke zënë poshtë vajzën e tij, e cila ishte rreth 4 vjeçe. Familjarët e kanë transportuar menjëherë vajzën në qendrën shëndetësore të Roskovecit, por fatkeqësisht ajo ka mbërritur pa shenja jete.
Në vendngjarje ka mbërritur grupi hetimor, i cili po punon për të zbardhur shkaqet dhe rrethanat e kësaj tragjedie.
