Sytë e botës janë përsëri të përqendruar në Vatikan, ku sot në sheshin e Shën Pjetrit mijëra besimtarë nga e gjithë bota janë mbledhur për kurorëzimin e Papës Leo XIV.
Në tribunat e mbushura plot janë të pranishëm mbi 200 delegacione ndërkombëtare, përfshirë figura politike, përfaqësues të kishës dhe monarkë nga vende të ndryshme.
Mesha ceremoniale, që zgjat rreth dy orë, zhvillohet në një atmosferë të fortë sigurie. Autoritetet e Romës kanë angazhuar më shumë se 6000 efektivë për të mbrojtur ngjarjen, duke vendosur zona të bllokuara, si dhe ndalim fluturimi dhe lundrimi në lumin Tiber.
Me pranimin dhe shpalljen e emrit të tij si Papë, Leo XIV bëhet peshkopi i Romës dhe udhëheqësi i Kishës Katolike.
Ceremonia e inaugurimit zyrtar zhvillohet disa ditë pas zgjedhjeve, ndërsa në këtë rast u zhvillua dhjetë ditë më vonë.
