SPAK ka nisur hetimet për një grup individësh në Kukës, të cilët akuzohen për korrupsion aktiv gjatë zgjedhjeve të 11 Majit 2025.
Sipas njoftimit të SPAK, një grup personash ka premtuar dhe ofruar shuma monetare për disa qytetarë në Qarkun Kukës, duke i kërkuar të votojnë për një subjekt politik të caktuar.
Gjatë operacionit të zhvilluar nga SPAK dhe Drejtoria Vendore e Policisë së Kukës, u arrestua shtetasi K.P., nga të cilit u sekuestruan 205,500 lekë, 525 euro, një aparat celular i markës iPhone dhe një automjet Mercedes Benz.
Po ashtu, është shpallur në kërkim shtetasi G.P., kryeplaku i fshatit Lusen në Kukës, për të cilin po punohet për kapjen.
