Jetmir Llani, i shpallur në kërkim për gjobvënie ndaj bizneseve, është arrestuar nga policia e Kurbinit. Ai ka qenë i dënuar për vrasje, pasi mori hak për vrasjen e djalit të tij, Indrit Llanit, 9 vjeç.
Llani ishte dënuar me 25 vite burg nga shkalla e parë, por Apeli ia uli dënimin, ndërkohë që mësohet se ai ka kryer disa muaj të dënimit dhe ishte në liri në momentin e arrestimit.
Ngjarja e vrasjes ndodhi në verën e vitit 2012, kur mes dy familjeve, Shkreta dhe Llani, shpërtheu një përplasje që çoi në vrasjen e Indrit Llanit.
Dy vëllezërit Altin dhe Vladimir Shkreta akuzoheshin për vrasjen e tij, duke qëlluar me breshëri automatiku në makinë. Më pas, më 19 korrik 2012, Jetmir Llani mori hak për vrasjen e djalit të tij, duke ekzekutuar Mark Shkreta, 71 vjeç, babanë e vëllezërve Shkreta.
Përveç kësaj, Jetmir Llani ka qenë i dyshuar për atentatin në fshatin Shpërdhet të Fushë Mamurrasit, ku u vra Gentian Shkreta, një tjetër anëtar i familjes Shkreta.
