Bashkëshortja e ish-ministrit të Brendshëm, Sandër Lleshaj, Violeta Lleshaj, ka humbur jetën ditën e sotme në moshën 58-vjeçare.
Lajmin e hidhur e ka njoftuar vetë ish-ministri Lleshaj përmes një postimi në rrjetet sociale, duke shprehur dhimbjen e thellë për humbjen e bashkëshortes së tij.
“Të dashur miq, Violeta, bashkëshortja ime dhe nëna e fëmijëve të mi, pushoi në paqen e Zotit, duke na lënë të mbuluar me pikëllim të thellë, por dhe me dashurinë, nderin, dinjitetetin dhe fisnikërinë saj të pafundme. Varrimi do të kryhet në Varrezat e Maminasit në orën 12:00 të datës 04.02.2025. Pushofsh në paqen e pasosur të Zotit e shtrenjta jonë Leta”, shkruan ai.
