Policia e Durrësit ka zbuluar një ambient të marrë me qira, i cili ishte përshtatur për ushtrimin e prostitucionit.
Specialistët e Sektorit për Hetimin e Trafiqeve të Paligjshme, pas një hetimi njëmujor, finalizuan operacionin policor të koduar “Storm 2”.
Hetimi ka zbuluar se dy shtetaset kineze, të shpallura në kërkim, shfrytëzonin për prostitucion dy shtetaset e tjera kineze në një ambient që e kishin marrë me qira.
Si rezultat, u shpallën në kërkim shtetaset L. L. dhe D. Zh., dhe nisi procedimi penal për disa shtetas të tjerë nga Kina dhe Durrësi, të akuzuar për prostitucion dhe trafikim personash.
Gjatë operacionit, u sekuestruan para, 7 celularë, 2 pasaporta dhe sende të tjera të përdorura në aktivitetin e paligjshëm.
Materialet iu kaluan Prokurorisë për veprime të mëtejshme.
