Pas përfundimit të festave të fundvitit, fluksi i udhëtarëve shqiptarë që kthehen në vendet ku punojnë dhe jetojnë ka qenë i lartë.
Pikat kufitare tokësore si Kapshtica, Kakavija dhe Muriqani kanë regjistruar numër të madh qytetarësh që largohen nga vendi.
Edhe linjat detare kanë përjetuar një fluks të madh në dalje. Vetëm nga porti i Vlorës, të martën u larguan drejt Brindisit 535 pasagjerë, 114 automjete dhe 3 autobusë.
Gjatë muajit dhjetor, i njëjti port kishte regjistruar rreth 6,000 pasagjerë në hyrje, një shifër rekord për këtë periudhë.
Një situatë e ngjashme është vërejtur edhe në portin e Durrësit, ku fluksi i madh i udhëtarëve drejt vendeve europiane ka shkaktuar radhë të gjata.
Policia kufitare ka kryer kontrolle të imtësishme në automjetet që imbarkohen në traget, për të garantuar sigurinë dhe mbarëvajtjen e udhëtimit.
