Bordi i Entit Rregullator të Energjisë (ERE) është mbledhur sot për të diskutuar çmimin e ri të energjisë elektrike që do të aplikohet për periudhën 1 shkurt – 31 dhjetor 2025.
Në fokus të mbledhjes është përcaktimi i çmimit të shitjes me pakicë për klientët e shërbimit universal.
Pritet që konsumatorët familjarë që harxhojnë më pak se 800 kilovat-orë në muaj të përfitojnë një ulje të çmimit.
Aktualisht, 1 kilovat-orë kushton 9,5 lekë pa TVSH dhe 11,4 lekë me TVSH për konsumatorët familjarë.
Gjithashtu, pensionistët kryefamiljarë (kur janë çift) përfitojnë kompensim prej 648 lekësh në pensionin e tyre që prej vitit 2015 për të mbuluar kostot nga rritja e çmimit të energjisë elektrike.
Autoritetet pritet të bëjnë publike vendimin përfundimtar pas mbledhjes.
