Në orët e para të mëngjesit të 1 janarit, në një club nate në Tiranë, Jetmir Pepa qëlloi dy herë me armë zjarri, duke shkaktuar panik dhe shqetësim publik.
Pas kqyrjes së kamerave të sigurisë, policia identifikoi Pepën si autorin e të shtënave dhe e shpalli atë në kërkim për armëmbajtje pa leje dhe prishje të qetësisë publike.
Jetmir Pepa është ish-bashkëshorti i Mariela Berishës, motrës së Antonela Berishës. Më parë, motrat Berisha ishin përfshirë në një incident të rëndë dhune ndaj blogeres Klea Prenga.
Ngjarja ndodhi më 6 gusht 2024 në një restorant në Tiranë, ku Prenga u sulmua fizikisht nga motrat, duke u goditur me sende të forta dhe shishe qelqi. Si pasojë, ajo pësoi dëmtime të rënda në fytyrë.
Antonela dhe Mariela Berisha akuzohen për “plagosje të rëndë me dashje” në bashkëpunim.
Dyshohet se sulmi ishte motivuar nga xhelozia, pasi Mariela, e ndarë nga Jetmir Pepa, dyshonte për një tradhti nga ana e ish-bashkëshortit të saj me Klea Prengën. Ndërkohë, Mariela dhe Pepa kanë së bashku një djalë.
Hetimet për incidentin në club dhe ngjarjet e mëparshme janë ende në vazhdim, ndërsa autoritetet nxisin bashkëpunimin e qytetarëve për të dhënë informacion mbi vendndodhjen e Jetmir Pepës.
