Presidenti i Republikës Ilir Meta, i është përgjigjur përmes zëdhënësit Tedi Blushi, Elisa Spiropalit. Kjo e fundit kritikoi pak ditë më parë Metën në lidhje me kthimin e ligjeve për PPP dhe koncesionet.
Por Blushi ka shkruar në reagimin e tij në rrjetin social Facebook, se ajo që duhet të flasë më pak është Elisa Spiropali, pasi i nxorri me këpucë të kuqe doganat.
Sipas tij Elisa nuk mori parasysh as paralajmërimet e institucioneve ndërkombëtare, por Rilindja ndërsen të çmendurën E, e cila flet për shumë gjëra, por jo për thelbin e problemit.
Reagimi i Tedi Blushit:
Asnjë habi që në kulmin e vapës, Rilindja ndërsen gjithmonë të çmendurën E.E çmendura E., foli sot për shumë gjëra, por në asnjë rresht për thelbin e problemit: nenet e dyshimta klienteliste 17 dhe 18 të ligjit famoz të PPP-ve, që në muajt e verës u krijojnë hapësirë pakicës që nuk do rotacion, të sulet drejt pronave publike për të zhvatur ç’të mundë deri në vjeshtë.
Dhimbje për të çmendurën E., cila pasi nxorri me këpucë të kuqe doganat, nuk i bën përshtypje t’i nxjerrë dritat e kuqe të gjithë ekonomisë kombëtare, pavarësisht paralajmërimeve të institucioneve ndërkombëtare.
