Kryebashkiaku i Tiranës, Erion Veliaj, është thirrur sërish për t’u paraqitur në Prokurorinë e Posaçme (SPAK), ku do të japë sqarime në lidhje me provat dhe faktet e reja hetimore.
Ditën e djeshme, SPAK ka marrë në pyetje edhe bashkëshorten e tij, Ajola Xoxa.
Hetimi ka zbuluar prova të reja dhe po vazhdon hetimin pasuror për Veliajn dhe familjarët e tij.
Për këtë qëllim, agjentët e BKH-së realizuan disa kontrolle javët e kaluara në banesën e Veliajt dhe të bashkëshortes së tij, si dhe në zyrat e Ajola Xoxës dhe të vëllait të Erion Veliajt, Arbër Veliaj.
Po ashtu, u kryen kontrollime në disa biznese dhe aktivitete të lidhura me familjarët e kryebashkiakut. Pritet që Veliaj të japë sqarime për provat e reja që janë gjetur gjatë hetimeve.
