Fluksi i kalimtarëve në doganën e Kapshticës ka vazhduar të jetë i lartë, ku gjatë 24 orëve të fundit janë regjistruar 5655 shtetas që kanë hyrë në drejtim të Shqipërisë dhe 2527 të tjerë që kanë dalë.
Gjatë ditës, fluksi ka qenë normal dhe nuk janë regjistruar pritje të gjata. Autoritetet kanë operuar me 5 deri në 6 sportele në alternim, duke u përshtatur me fluksin e kalimtarëve.
Pritet që numri i kalimtarëve të mbetet i lartë gjatë orëve në vijim, pasi shumë shqiptarë që jetojnë në Greqi pritet të kalojnë festat në atdhe.
