Një ngjarje tragjike ka ndodhur në orët e para të mëngjesit në fshatin Metoq të Sarandës, ku Elvira Tahiraj, 49 vjeçe, dyshohet se ka vrarë bashkëshortin e saj, Llazar Tahiraj, 55 vjeç.
Ajo ka goditur viktimën me sopatë në kokë ndërsa ai ishte në gjumë.
Çifti Tahiraj kishte tre vajza, dy prej të cilave janë të martuara. Sipas informacioneve paraprake, Elvira dyshohet se vuan nga çrregullime mendore, që mund të kenë ndikuar në kryerjen e këtij akti ekstrem.
Policia ka mbërritur menjëherë në vendngjarje dhe ka shoqëruar Elvira Tahirajn në komisariat. Grupi hetimor, nën drejtimin e Prokurorisë, po punon intensivisht për të zbardhur motivet e krimit dhe për të dokumentuar ngjarjen.
Një banor i fshatit Metoq ka rrëfyer për mediat se kishte njohur çiftin Tahiraj dhe tregoi për vështirësitë që ka kaluar familja. Ai tha se gruaja kishte probleme me shëndetin mendor, ndërsa bashkëshorti i saj, i vrarë, punonte i vetëm për të mbajtur familjen. Banori theksoi se çifti kishte katër vajza. Ai e përshkroi viktimën si një njeri punëtor dhe të dashur me të tjerët, duke shprehur keqardhje për tragjedinë që ndodhi.
