Reshjet e dëborës janë rikthyer me intensitet të lartë gjatë natës dhe mëngjesit të kësaj të hëne, duke prekur akset Tamarë-Vermosh dhe Qafë Thore-Bogë.
Autoriteti Rrugor Shqiptar (ARRSH) informon se grupet e punës dhe mjetet borëpastruese janë angazhuar për pastrimin e rrugëve dhe shpërndarjen e kripës për të parandaluar ngricat.
ARRSH apelon që drejtuesit e mjeteve të jenë të pajisur me goma dimërore dhe zinxhirë kur udhëtojnë në segmentet me dëborë, të ulin shpejtësinë dhe të respektojnë sinjalistikën dhe udhëzimet e Policisë Rrugore.
