Në kuadër të hetimeve për dosjet “Sky ECC” dhe “Encrochat”, që çuan në dhjetëra arrestime në Greqi, janë zbuluar 47 përdorues të paidentifikuar të këtyre platformave të kriptuara.
Ata dyshohet se janë anëtarë të një organizate kriminale që merret me trafik ndërkombëtar droge ndërmjet Greqisë, Shqipërisë dhe Spanjës. Dy përdorues të “Sky ECC” mendohet se janë furnizues të rëndësishëm të dy grupeve kriminale të drejtuara nga Aleksandër Pando dhe Denis Grabocka.
Një përdorues tjetër i “Encrochat” është identifikuar si ndërmjetës i transferimit të parave përmes sistemit “Hawala”. Autoritetet greke po punojnë për të lidhur identitetet e këtyre individëve dhe për t’i sjellë ata para drejtësisë.
