Në Tiranë janë arrestuar katër persona, përfshirë një punonjës policie, të akuzuar për shpërdorim detyre dhe korrupsion.
Njoftimi
Specialistët e Seksionit për Hetimin e Krimit Ekonomik dhe Financiar, në bashkëpunim me Seksionin e Forcës për Operacionet Speciale dhe Agjencinë e Mbikëqyrjes Policore Tiranë, kanë ekzekutuar vendimet penale për katër shtetas të lidhur me “skandalin e patentave”. Të dënuarit janë:
1. Enis Balla, 40 vjeç, banues në Tiranë, i dënuar me 8 muaj burg për “Ushtrimin e ndikimit të paligjshëm ndaj personave që ushtrojnë funksione publike” dhe “Korrupsionin aktiv të personave që ushtrojnë funksione publike”, veprat e kryera në bashkëpunim.
2. Kujtim Xhaja, 50 vjeç, punonjës policie, i dënuar me 1 vit e 4 muaj burg për “Ushtrimin e ndikimit të paligjshëm ndaj personave që ushtrojnë funksione publike”.
3. Alkid Ndreu, 49 vjeç, banues në Tiranë, i dënuar me 9 muaj e 25 ditë burg për “Korrupsionin pasiv të personave që ushtrojnë funksione publike” dhe “Shpërdorimin e detyrës”.
4. Revi Osmani, 28 vjeç, i dënuar me 8 muaj burg për “Ushtrimin e ndikimit të paligjshëm ndaj personave që ushtrojnë funksione publike” dhe “Korrupsionin aktiv të personave që ushtrojnë funksione publike”, veprat e kryera në bashkëpunim.
Ky operacion erdhi pas hetimeve intensive për shpërdorimin e funksioneve publike dhe korrupsionin lidhur me dhënien e patentave, ku dyshohet se personat e përfshirë kanë marrë ryshfet deri në 1500 euro.
