Në emisionin “Me zemër të hapur” në News 24, ka folur nëna e Luiz Meçes, adoleshenti i plagosur gjatë sherrit mes të rinjve, ku humbi jetën Martin Cani.
Ajo ka deklaruar se Martini ishte bullizuar për shkak të vëllait të tij dhe se një burrë e kishte goditur një ditë para ngjarjes së rëndë.
Nëna e Luizit ka shtuar se djali i saj ka nisur të lëvizë dhe ka komunikuar me autoritetet, duke kërkuar që drejtësia të vendoset në vend.
Djali ka nisur të lëvizë nga pak. Po, kam folur me djalin. Djali ka thënë gjithçka tek autoritetet. Dua që drejtësia të vendoset në vend. Isha në punë dhe më thanë që kështu ka ndodhur me djalin. Djali im ka qenë shumë i urtë. Martini dhe djali im ishin djem shembullor, se e njihja prej shumë vitesh. Djali im ka qenë në gjendje të rëndë. Të dy djemtë ishin në rrezik për jetën. Ai thotë se ka parë dy vetë përballë tyre. Ata janë takuar për një “sqarim”, kishin ofenduar Martinin. Për vëllanë, pse më pe e pse të pashë, unë jam më i forti, për kështu muhabetesh janë zënë. Nuk ka lidhje fare me vajzat. Martinin e bullizonin për vëllanë. Një burrë e ka goditur Martinin. Luizi sapo ka dalë nga spitali ka shkuar tek babai i Martinit. Djali im është tepër i tronditur.
