Në kartelën zyrtare të spitalit, e cila është pasqyruar edhe në dosjen hetimore, zbulohet një informacion i rëndësishëm.
Mario Përlleshi është vetëplagosur me thikë gjatë një konfrontimi. Diagnostika e tij tregon se ka pasur një këputje të tendinave në dorën e majtë dhe shembje të parakrahut, ndërhyrja kirurgjikale për riparimin e tyre është kryer më 18.11.2024.
Sipas historisë së sëmundjes, Mario u dërgua në urgjencë nga familjarët e tij pas një sherri në shkollën “Fan Noli”, ku ka deklaruar se u godit nga katër persona, ra dhe gjatë përpjekjes për të mbrojtur veten, ai e plagosi veten me thikë aksidentalisht.
Pas ngjarjes, Mario qëndroi 9 ditë në një spital privat, për t’u dërguar më pas në Institutin e të Miturve në Kavajë, ku u hospitalizua dhe ka pasur një gjendje fizike dhe psikologjike të qëndrueshme.
Hetimi i ngjarjes vazhdon, dhe ka një kundërthënie mes deklaratave të policisë dhe Luis Meçes. Prokuroria dhe ekspertizat do të shërbejnë për të hedhur dritë mbi ngjarjen. Avokati Edmond Petraj e ka cilësuar rastin si kompleks dhe ka theksuar se hetimi do të përfshijë shumë personazhe.
Mario është njohur me masën “arrest me burg” nga Gjykata e Tiranës, por ende nuk ka dhënë dëshmi për ngjarjen. Deklarata e tij do të jetë një moment kyç në hetimin e ngjarjes.
Ndërkohë, prindërit e fëmijëve,si Aneo Hila, shprehin shqetësimin se për shumë të rinj, emigrimi mbetet një mundësi për një të ardhme më të mirë, për shkak të kushteve të vështira brenda vendit.
