Kreu i Grupit Parlamentar të Partisë Demokratike, Gazment Bardhi, reagoi pas miratimit të Buxhetit të vitit 2025 vetëm me votat e mazhorancës, duke e cilësuar atë si një buxhet që shërben interesave personale të kryeministrit Edi Rama dhe një grushti njerëzish rreth tij.
Bardhi theksoi se refuzimi i 34 propozimeve të PD-së nga mazhoranca nuk ishte një votë kundër opozitës, por kundër qytetarëve, përfshirë pensionistët, fermerët, studentët, bizneset, dhe shtresat në nevojë.
Sipas tij, ky buxhet është një provë tjetër se Rama është në pushtet për interesat e tij personale dhe jo për mirëqenien e qytetarëve, duke thelluar varfërinë dhe përjashtimin social në vend.
Bardhi përfundoi duke akuzuar qeverinë për një dekadë veprimesh kundër interesit publik dhe mirëqenies së shqiptarëve.
