Policia italiane ka ndaluar 14 individë, përfshirë 8 shqiptarë, të cilët ishin pjesë e dy grupeve të trafikut të drogës.
Sipas raporteve të mediave italiane, këto grupe kishin një prani të fortë në lagjet e Milanos, San Siro dhe Lampugnano, si dhe në qytetet Baranzate dhe Bollate.
Gjatë operacionit, policia ka sekuestruar 700 gram kokainë dhe 4 kg hashash, një pjesë e të cilave ishte fshehur në shishe plastike dhe kontejnerë të ndryshëm.
