Objekti i komunës në Zveçan është sulmuar mbrëmë me granatë, pak para mesnatës.
Përveç disa dritareve të thyera, janë dëmtuar edhe tre automjete të parkuara afër objektit, dy prej të cilave me targa të Serbisë dhe një me targa vendore. Fatmirësisht, nuk ka persona të lënduar.
Sulmi ka ndodhur pas zhvillimit të seancës solemne të Kuvendit Komunal, e mbajtur për herë të parë në Zveçan për nder të 28 Nëntorit.
Ky është i dyti sulm me granatë në zonë, pasi vetëm dy ditë më parë, edhe stacioni i policisë në Zveçan u bë objekt i një sulmi të ngjashëm.
