Qindra shqiptarë kanë dalë në sheshin “Sindagma” të Athinës për të festuar festën kombëtare të 28 Nëntorit.
Ata kanë festuar me entuziazëm, duke valëvitur flamujt kuqezi, ndërsa shqiptarët në të gjithë botën festuan ngritjen e flamurit në Vlorë.
28 Nëntori i vitit 1912 shënoi një moment të rëndësishëm në historinë e popullit shqiptar.
Ai shënoi fundin e sundimit pesëshekullor të Perandorisë Osmane dhe krijoi mundësitë për një zhvillim të shpejtë ekonomik, shoqëror dhe kulturor.
Shpallja e Pavarësisë ishte një fitore e madhe për shqiptarët, duke i kundërshtuar politikat antishqiptare të monarkive fqinje dhe duke luftuar për të parandaluar copëtimin e Shqipërisë.
