Në kuadër të operacionit të koduar “Fee”, Policia ka arrestuar katër persona, dy shtetase kolumbiane dhe dy shtetas shqiptarë, për ushtrim dhe shfrytëzim prostitucioni. Shtetaset A. P. (20 vjeçe) dhe A. R. (24 vjeçe) u arrestuan për ushtrim prostitucioni, ndërsa A. T. (25 vjeç) dhe Y. H. (43 vjeç) për shfrytëzim prostitucioni.
Operacioni u realizua pas informacioneve të siguruara nga inteligjenca policore, që tregonin për një aktivitet prostitucioni në një apartament të marrë me qira.
Gjatë kontrolleve në këtë apartament, u kapën shtetaset kolumbiane dhe dy shqiptarët, të cilët dyshohen se ishin të përfshirë në këtë aktivitet ilegal.
Puna vijon për identifikimin dhe kapjen e personave të tjerë të përfshirë në këtë rrjet prostitucioni.
